Arabic-article

ليلة من ليالي مدينتي



واحد الليلة من ليالي مدينة أكادير .. كنت قاعد تحت نجوم الليل .. الحزن فقلبي كبير و على مدينتي كايغير .. حتى جاني ضو ء من بدر الليل ساطع .. بسبعة ديال اللوان ناصح .. قولتلو أش جابك عندي يا نور الليل .. كاين ماهم محتاجين ليك كثر و على محاينهم ترحم و تبصر .. قال لي : وليدي محمد باينا عليك دري زوين و على يديك إمشي هم المدينة و حتى حد مايغير .. قلتلو : ماعندي حيلة و هاد المهمة ثقيلة عليا  ; جاوبني بكل ثقة عليك بالفن .. هو شمس المدينة و عليه ماتغفل .. قلت لو و شنو السر ملي جايبو ب سبعة ديال لوان ؟ قال لي هادا هو فن ومن تفروعو :لون الرسم .. جاك من الصباغة فالزنقة و منو ترقى .. و إلا خطاك يونس سبيد .. على حرفتو ردوه عميد .. ماتمشيش بعيد .. حيت جاك ضفير .. بالكابويرا لي خلات الكورنيش إحير .. وهادا لون الفلسفة فالزنقة .. قاطعتو : الفلسفة الزنقة فن .. قال لي :  فن الخطابة و الحكمة تقن .. قلتلو كاينا لي عزيزا عليه السينيما و فمدينتنا ما بقات ليها قيمة .. ضحك و قال : جاك لون مهرجان المهاجر و الوثائقي معاه ساينين فحلم القاعة يكمل .. ماتنساش لون المسرح .. و بالحلقة يمكن تفرج و تمرح .. و ناس الموسيقى عندهوم قيمة .. بلون تيميتار كل عام نسخة جديدة .. .. بقا ساكت ضو الليل و بدا خافت بحال إلا حشم و ماقدر إتكلم .. يا هاد النور .. علاش هاد الصمت و نتا لي غنيتي قلبي على الغم .. قال لي  جاك اللون لحمر .. مولاتو رايز لي بيها تقدر تولي فيري وايز .. ...وهاكدا سلات حكايتي مع ضو الليل .. و بسبع لوان دقوس قزح لوونت مدينتي بالخير .. و تا نوض تصبح على خير...


Mohamed OUABBOU & Noureddine BOUZAID

About Agadir Rising

0 comments:

Enregistrer un commentaire

Dar Si Hmad. Fourni par Blogger.